AlixDoc
AlixMind
AlixBotAutomatización intelixente de procesos empresariais
O servizo de automatización intelixente de ALIA Technologies
ALIXAI nace da convicción de que a intelixencia artificial non é unha promesa de futuro, senón unha ferramenta dispoñible hoxe, capaz de transformar a forma en que calquera empresa traballa, medra e compite.
Non é unha plataforma xenérica nin unha solución de catálogo. É un servizo de consultoría, implantación e soporte deseñado para que cada empresa atope exactamente a combinación de tecnoloxía, proceso e acompañamento que necesita. Porque a intelixencia artificial non ten o mesmo significado para unha empresa de dez persoas que para unha de duascentas, e ALIXAI sabe comprender esa diferenza e actuar en consecuencia.
ALI
A herdanza de ALIA, e elixir: o ordinario transformado en algo superior.
X
A variable que multiplica. O salto do traballo manual á automatización.
AI
Sen tradución. O mellor modelo para cada caso. Claude, Gemini, ChatGPT e as que virán.
Os nosos produtos
O coñecemento propio da túa empresa, á resposta dunha pregunta. Modelos de coñecemento propios.
Asistente de comunicación en linguaxe natural conectado aos teus sistemas de información, con capacidade de resposta mediante IA.
Proxectos á medida en contornos complexos
ALIXAI non só dispón de produtos específicos, senón tamén de capacidade e coñecemento para asumir proxectos específicos en contornos complexos de clientes. Para iso conta cunha metodoloxía de traballo específica para este tipo de proxectos.
A continuación móstranse algúns dos servizos que requiren coñecementos específicos e que ALIXAI inclúe no seu catálogo de opcións:
Infinidade de procesos
Estes son algúns dos casos de uso de determinados procesos cos que as organizacións adoitan iniciar as súas experiencias coa IA en contornos reais.
Gravación de facturas
Os PDF chegan a unha bandexa, extráense os campos sexa cal sexa o formato, valídase a coherencia e grávase no ERP.
Conciliación de albarás
Albará contra pedido e contra factura, liña a liña. O que cadra segue só, o que non chega a unha persoa xa sinalado.
Seguimento de oportunidades no CRM
As oportunidades actualízanse soas co que pasa no correo e no ERP, e ninguén ten que lembrarse de rexistralo.
Onboarding de clientes
Da alta á ficha completa en CRM e ERP: documentación, validacións e avisos, sen dobre entrada de datos.
Correo entrante
Clasifícase, enrútase ao departamento que toca e xúntase ao expediente sen que ninguén o reenvíe.
Informes e peche de mes
Os números saen sós o día 1, coas mesmas regras todos os meses e sen depender de ninguén.
Non é un catálogo pechado: calquera tarefa repetitiva que hoxe consome horas é candidata.
Ver o índice completoMetodoloxía do servizo
O noso método de traballo está deseñado para que o cliente teña claridade e control en cada momento do proceso, desde a primeira análise ata o funcionamento en produción e máis alá.
Estruturámolo en catro fases que garanten que cada solución implantada é a adecuada, está ben executada e segue funcionando de forma óptima co paso do tempo.
Diagnóstico
- Unha ou dúas sesións, sen custo e sen compromiso
- Para coñecernos, comprender a situación actual e trazar un primeiro mapa de necesidades e oportunidades
Consultoría
- Consultoría activa, non un simple diagnóstico
- A tecnoloxía ao servizo do contexto, e non ao revés
- Adaptámonos a calquera estrutura organizativa e definimos unha folla de ruta clara
- Entregables que permiten dispoñer dun plan de implantación detallado, cun custo asociado e unha proposta de prezo pechado por nivel de servizo
Implantación
- Selección tecnolóxica cunha visión de futuro
- Despregamento seguro en calquera contorno
- Configuración e integración no contorno do cliente
- Simulación e probas nun contorno controlado
- Posta en produción e estabilización operativa
- O servizo funcionando
Soporte
- Soporte da plataforma, estea onde estea
- Supervisión continua mediante logs e monitorización
- Observatorio de IA: sempre na última onda de innovación
- O soporte como orixe de novas oportunidades
- O sistema funcionando cun custo controlado e adaptado á carga produtiva do proceso
ALIXAI non arrinca de cero
Nace dunha casa que leva anos poñendo modelos a funcionar fóra do laboratorio.
flotaliA
En produciónCondución intelixente con IA e navegación preditiva. En produción e con clientes.
VITECGAL
Con FEDERXemelgos dixitais e modelos preditivos aplicados ao sector vitivinícola
FOODBOT
Con FEDERModelos preditivos e automatización en contorna agroalimentaria.
LIA2, Uvigo
OrixeO laboratorio da Universidade de Vigo do que nace ALIA Technologies.
Estimación para 800 facturas ao mes, rexistradas automaticamente con AIDOC
Motivos e garantías
Por que ALIA Technologies como socio tecnolóxico
Nun mercado onde a IA evoluciona a un ritmo vertixinoso, contar cun socio tecnolóxico que non estea atado a ningún provedor concreto é unha vantaxe competitiva decisiva. ALIA desenvolveu a súa propia capa de ferramentas e infraestrutura tecnolóxica que se conecta de forma nativa cos principais modelos e plataformas do mercado.
Independencia tecnolóxica
O mellor modelo para cada caso, non o que nos toque revender: Claude, Gemini, ChatGPT e os que virán.
Control do investimento
Cada ciclo ten prezo pechado antes de empezar. En cada seguimento decides se hai seguinte alcance. Sen compromisos abertos nin orzamentos que medran sós.
Seguridade e cumprimento
RXPD, LOPDGDD e AI Act. Os teus datos nunca se usan para adestrar modelos externos nin saen de contornas controladas.
O que nos preguntan antes de dicir que si
Empezar pequeno. Automatizar en grande.
Cóntanos que proceso queres automatizar. Nunha ou dúas sesións analizamos a súa viabilidade e dámosche unha resposta clara, tamén se a conclusión é que non hai encaixe.
Pide o diagnóstico